Connect met Ons
Ruimsig Gemeente is ’n plek waar mense van alle ouderdomme hul geloof as volgelinge van Jesus kan versterk.
Ons Dienste
Ons dienste bied ruimte vir geestelike groei en ontdekking – ’n plek waar mense van alle ouderdomme hul geloof as volgelinge van Jesus kan versterk. Die wyse waarop ons aanbid is eenvoudig en toeganklik, sodat almal gemaklik kan deelneem. Ons preke fokus daarop om te wys hoe jy jou geloof in Jesus prakties in jou daaglikse lewe kan uitleef.
Die atmosfeer tydens ons dienste is gemaklik en eg – nie ’n gestruktureerde program nie maar eerder ’n ruimte waar jy jouself kan wees en iets werklik kan beleef. Ons begeerte is dat jy die kern van elke diens sal saamneem en uitleef met die doel om te “connect” waar jy is, sodat jy elke dag, deur die werking van die Heilige Gees, bewus sal wees van God se teenwoordigheid in jou lewe.
Ons dienstye is van 9:00 tot 10:00 in Afrikaans
Pastorale Dienste
Vir meer inligting oor lidmaatskap, die doop, nagmaal, kindertoewyding, troues, begrafnisse en berading lees meer hier.
Lidmaatskap
Leer Meer
Wanneer jy jou lewe vir Christus gee, word jy outomaties deel van die universele kerk. Tog is elkeen van ons verantwoordelik om ’n persoonlike keuse te maak oor waar ons by ’n plaaslike gemeente wil inskakel. Lidmaatskap beteken dat jy jouself verbind tot daardie gemeente — ’n plek waar jy kan behoort, liefhê en liefgehê word, dien en gedien word. As jy belangstel om deel te word van Ruimsig Gemeente, stuur asseblief ’n e-pos aan: Wendy@ruimsig.com
Doop
Leer Meer
Daar word twee keer per jaar geleentheid vir doop tydens ons eredienste gebied, maar as jy onmiddellik gedoop wil word, is jy welkom om die kerkkantoor te kontak. Jy hoef nie ’n lidmaat by ons te wees nie, maar ’n doopgesprek vind plaas voordat persone gedoop word.
Epos adres vir navrae: Wendy@ruimsig.com
Kindertoewyding
Leer Meer
Die inseën en doop van kinders vind gewoonlik plaas op die laaste Sondag van die maand tydens die 09:00-10:00 Erediens Spasie. Jy hoef nie ’n lidmaat by ons te wees om jou kinders toe te wy nie, maar ’n toewydingsgesprek vind plaas voor die geleentheid waartydens die doel van die kindertoewyding bespreek word. Neem kennis dat daar ongelukkig beperkte plek per kindertoewyding beskikbaar is.
Vul gerus die Aansoek vir Kindertoewyding vorm in.
Epos adres vir navrae: Wendy@ruimsig.com
Troues
Leer Meer
Julle hoef nie lidmate by ons te wees om deur een van ons Leraars in die eg verbind te word nie. Die Leraar sal egter graag met julle as paartjie wil ontmoet en die seremonie bespreek. Hierdie gesprek moet ten minste drie weke voor julle huweliksdatum plaasvind.
Vul gerus die Aansoek vir Troues vorm in.
Epos adres vir navrae: Wendy@ruimsig.com
Begrafnisse
Leer Meer
Ons is hier om jou te ondersteun tydens ‘n baie moeilike tyd in jou lewe. Saam met een van ons Leraars kan ons jou help beplan aan die diens. Kontak gerus die kerkkantoor vir meer inligting.
Epos adres vir navrae: info@ruimsig.com
Berading
Leer Meer
Ons het ‘n toegewyde span wat gereed staan om jou te ondersteun. Alhoewel hulle nie geregistreerde beraders is nie, is hulle toegerus met opleiding en ervaring om met algemene emosionele behoeftes te help en ‘n empatiese oor te bied. Maak gerus ’n afspraak deur die vorm aanlyn in te vul of epos te stuur aan embrace@ruimsig.com
Ruimsig Hope Foundation
Ons staan bekend vir ons impakvolle uitreike.
Ruimsig Gemeente het sedert ons bestaan in 2001 die eerste 10% van die gemeente se inkomste aangewend vir uitreik projekte buite die gemeente. Die finansies wat deur die gemeente vir uitreikprojekte geallokeer is, word deur “Ruimsig Hope Foundation” bestuur, wat ‘n geregistreerde nie-winsgewende organisasie is.(Artikel 18A)